2 HVT huli sa P1 milyong shabu

ANGELES CITY, , Philippines — Ares­tado ang dalawang high value target (HVT) ng pulisya dahil umano sa pagbebenta at pag-iingat ng shabu sa magkahiwalay na isinagawang Drug buy-bust operation ng Police Station 4 at Angeles City Drug Enforcement Unit sa Brgy. Balibago Miyerkoles ng hapon.

Sa ulat sa tanggapan nina Police Station 4 commander P/Maj. Aris B.Gonzales at ACDEU Commander P/Capt. Joven Rodriguez,kinilala ang mga suspek na pawang nasa watchlist ng pulisya na sina Manuel Secundo Jr. alias "Choy",31,single,jobless,at Jayson Fernandez,32,ng Hadrian Ext 3, Brgy. Balibago sa lungsod na ito.

Nasamsam ang nasa 156 gramo ng hinihinalang shabu na may street value na Php 1.060.800.00 at Perang ginamit bilang marked money.

Kasong paglabag sa Comprehensive Dangerous Drugs Act of 2002 ang kakaharapin ng mga suspek.