PAMPANGA, Angeles City, Philippines — Naaresto ng pinagsanib na puwersa ng City Intel Unit at Police Station 2 ang dalawang high value target (HVT) sa isinagawang magkahiwalay na drug buy-bust operation, sa Brgy. Lourdes North West,huwebes ng hapon at gabi.
Sa ulat buhat sa tanggapan ni Angeles City Police Director P/ Col.Joyce Patrick Sangalang kinilala ang mga suspek na sina Orlando Dayrit, alias "Orly",44,may asawa,residente ng Brgy.Sto Domingo,at Arnold Guibo,39 anyos,alias "Tisoy Guibo" ng Brgy. Sta. Teresita,ang nasa Top 6 Sibat Target Phase 1 ng pulisya.
Nasamsam sa mga ito ang nasa humigit kumulang sa 370 gramo ng hinihinalang shabu na may street value na P2,516,000.00 at isang unit na kulay green na Toyota Vios at may conduction sticker no. P6V303 at buy-bust money na ginamit sa operasyon.
Kasong paglabag sa Comprehensive Dangerous Drugs Act of 2002 ang kakaharapin ng mga nasabing suspek.
Kommentare