October 27,2019
Angeles City-Swak sa kulungan ang anim na dumayong kalalakihan matapos mandukot ng mamahaling mga cellphone habang ipinagdiriwang ang October Fest na ika 27 taong Tugtugan at Sayawan sa daan,(Tigtigan at Terakan Keng Dalan) sa Barangay Balibago Linggo ng umaga.
Sa ulat buhat sa tanggapan ni Police Station 4 Commander P/Maj.Aries Gonzales,kinilala ang mga suspek na sina Donnie Takehara 37,Batasan Hills,Quezon City,Edwin Del Rosario,46,Binata,Electrician,Fillinvest,Batasan Quezon City,John Christopher Valeza 22,Guadalupe Nuevo,Makati City,John Alvin Mendoza,20, Eastwood Greenview,Rodriguez Rizal,Renante Sol 31,Cortez Street,Batasan Hills Quezon City,Jayson Ventura 28,Ilang-Ilang Street,Payatas Quezon City.
Pasado 5:30 ng umaga inireklamo ng dalawang biktimang kinilalang sina Jay Salunga 30,residente sa Nepo Subdivision ng lungsod at Catalino Tolentino ng Barangay Madapdap Mabalacat City,ang mga suspek sa nagpapatrolyang pulis na naging dahilan sa pagkaka-aresto ng mga ito.
Nasamsam ang limang Cellphone na ninakaw na may halagang P 22.000.00 at nakitaan pa ng 5 small plastic heat sealed sachet na naglalaman ng hinihinalang shabu.
Kasong Theft at kasong paglabag sa RA 9165 ang kakaharapin ng mga nasabing suspek.
Comments