OCT 16,2019
CLPT NEWS TEAM
Angeles City-Arestado ang isang hinihinalang sangkot sa pagbebenta at pag-iingat ng ilegal na droga matapos ang ikinasang buy-bust operation ng Police Station-4 at Angeles City Drug Enforcement Unit (ACPDEU) sa Villasol Subdivision Brgy.Anunas miyerkoles ng madaling araw.
Sa ulat sa tanggapan ni P/Major Dickson Tolentino kinilala ang suspek na si Arvin Canono 30,residente sa nasabing barangay.
Nasamsam sa suspek ang humigit kumulang sa 100 gramo ng hinihinalang shabu na tinatayang nasa P680.000.00 sa street value at marked money na ginamit sa operasyon.
Samantalang Sinaksihan lamang ng Representante Buhat sa tanggapan ng Department of Justice at Media ang isinagawang pagmamarka at pag imbentaryo sa nakumpiskang shabu dahil walang dumating na opisyales sa barangay at sinubukan pang pumunta sa barangay hall ng mga tauhan ng Police Station 4 subalit walang nadatnan na bantay upang mahagilap ang mga opisyales.
Nahaharap ang suspek sa kasong paglabag sa RA 9165.
Comments