Angeles City-Bumagsak sa kamay ng mga pulis ang isang 37 anyos na courier ng shabu nang masakote at makumpiskahan ng nasa P680K-halaga ng droga sa isinagawang drug bust operation sa Brgy,Balibago,Angeles City, Pampanga,Huwebes ng gabi.
Ayos Kay ACPDEU Commander P/Capt Joven Rodriguez ang suspek ay itinuturing na high-value target (HVT) ng Angeles City Police Drug Enforcement Unit,na kinilalang si Rea Despabiladeras,37,Dalaga,ng Blk 3, Lot 39, UP Diliman,Quezon City Tubong Sorsogon.
Nakuha mula sa suspek ang nasa 100 Gramo ng hinihinalang shabu na may street value na P680.000.00 at perang ginamit bilang marked money.
Ayon sa suspek, ang nakumpiskang shabu ay pinadala lamang sa kanya upang i-deliver sa Angeles City ngunit minalas dahil ang nakatransaksyon nito ay isang pulis na nagpanggap na buyer.
Kasong paglabag sa Comprehensive Dangerous Drugs Act of 2002 ang kakaharapin ng nasabing suspek.
Comments