ANGELES CITY, , Philippines —Swak sa kulungan ang limang buwang buntis at ang live in partner nito kasama ang driver dahil umano sa pagbebenta at pag-iingat ng shabu sa magkahiwalay na isinagawang Drug buy-bust operation ng Police Station 1 sa Brgy.Malabanias at Brgy Cutud miyerkoles ng madaling araw.
Sa ulat buhat sa tanggapan ni Police Station 1 commander P/Maj Dickson Tolentino, kinilala ang mga suspek na pawang nasa watchlist ng pulisya na sina Cristina Cornejo,21,Sitio Cuayan Brgy Malabanias,Jose Noel Ablen alias"Leon",49,tubong Leyte,pansamantalang naninirahan sa Northville 15, Brgy Cutud,at Ernesto Palitoc,40,alias "Macoy" tricycle driver ng Sitio Bagong Silang, Brgy Balibago.
Nasamsam ang nasa 25 gramo ng hinihinalang shabu na may street value na Php 170.000.00 assorted drug paraphernalia at Perang ginamit bilang marked money.
Kasong paglabag sa Comprehensive Dangerous Drugs Act of 2002 ang kakaharapin ng mga suspek.
Commenti