Angeles City-Naaresto na ng mga otoridad ang itinuturing na Top 3 Most Wanted person matapos isilbi ang kanyang Warrant of Arrest sa Brgy.Sto Rosario kamakalawa ng gabi.
sa ulat buhat sa tanggapan ni Angeles City Police Director P/Col.Joyce Patrick Sangalang,ganap na alas 9:45 nang maaresto si Romeo Dela Cruz 51,residente sa nasabing lugar.
naaresto ang suspek sa bisa ng warrant of arrest na ipinalabas ni Hon.Katrina Nora Buan Factora,Presiding Judge,ng Branch 10, Family Court Angeles City, dahil sa kasong Rape,Attempted Rape at Acts of Lasciviousness. .
Posibleng mabulok sa kulungan si Dela Cruz dahil walang inirekomendang piyansa ang korte para sa kanyang pansamantalaang kalayaan.
Samantalang arestado din ang isang hinihinalang akyat bahay sa Brgy. Pulung Cacutud na kinilalang si Harvey Rivera 20,binata,walang trabaho.
Ayon sa biktimang si Petronillo De Jesus,40,pasado 2:40 ng madaling araw nagising ito dahil nakarinig ng ingay sa kanyang bahay,nang siyasatin nakita ang suspek na bitbit ang apat na pares ng sapatos na ibinalot sa isang bandana,inundayan ng saksak ang biktima ngunit nakailag at naagaw ang patalim nito.
Agad nakahingi ng saklolo sa mga nagpapatrulyang Bantay Bayan dahilan upang maaresto ang nasabing suspek na nakakulong ngayon sa Police Station 3.
Comments